عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي قافلة المنتدي
سنتشرف بتسجيلك
وشكرا
ادارة المنتدى جوهرة المغرب



 
الرئيسيةالبوابةدخولالتسجيل

شاطر | 
 

 حمامه عباس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamad ahmad
عضو جديد
عضو جديد


عدد المساهمات : 3
نقاط : 8537
تاريخ التسجيل : 05/02/2010

مُساهمةموضوع: حمامه عباس   الإثنين فبراير 22, 2010 10:33 pm

حمامة عباس وحمامة أبو فراس في حوار زي الخلق والناس

- مرحبا يا ختي يا حمامة ممكن اتريح شوي على شجرتك
- ولو تفضلي يا ختي ينطيكي العافية اقعدي ارتاحي شو أضيفك قمبز ، ذرة قمح انت بس اطلبي خير الله كثير
- الله يسلمك يارب أصيله بيكفي ياختي شربة مي
- هنيئا محل ما يسري يمري
- الله يهنيكي يا ختي والله انقطع حيلي وانا هاربه طيران من محل لا محل
- ليش خير يا ختي كفا الله الشر هاربه من شو
- واحد ياختي لا حقني بخرطوشة عينتين بدو يقوصني
- ليش مين حضرتك ما عرفتيني بحالك
- انا يا ختي حمامة السلام وفي ناس بيادوني حمامة عباس الله يسامحهم
- تشرفنا ومين اللي بيطارد وراك بخرطوشة
- والله ياختي اثنين بيطاردوني واحد بدو يعقد علي غصب والثاني بدو يقوصني عشان هظاك ما يعقد علي
- لا حول ولا قوة الا بالله ومين هظول ياختي شو اساميهم
- عباس بدو يعقد علي غصب ونتنياهو بدو يقوصني
- اتريحي ياختي تريحي وهدي أعصابك لساك صغيرة وبدري عليك الروماتيزم والضغط والبلاوي الزرقا اللي صابتني
- الله يريح بالك يارب بس ما قولتيلي كمان انت مين
- اوه اوه هاي قصة طويلة يا ختي ، انا حمامة أبو فراس الحمداني
- ابو فراس ابن عم سيف الدولة بشحمه ولحمة
- شو عرفك فيه انت صغيرة وما عشت هظاك الزمن
- لا قريت عنو بالمدرسة فارس همام مش مثل هاظ اللي لاحقني عشان يعقد علي غصب
هسا انت الحمامة اللي كان يكلمك ويقول أقول وقد ناحت بقربي حمامة ايا جارتا لو تشعرين بحالي
- اه ذكرتيني بالذي مضى والله كنت رسول بينه وبين أهله رايحة وجاي انقل شعر منو الهم
الله يرحمه ويذكره بالخير ، غدروه يا ختي وقتلوه
- مين اللي قتله ياختي الروم
- لا والله ياختي بعد ما مات ابن عمه سيف الدولة وتولى ابو المعالي دز قرغويه عليه وقتله الله لا يبارك فيهم . ولما مات هجيت يا ختي وجيت هان تعيش بسلام لقيت الوضع سخام .
- أه والله يا ختي سخام واسود كمان ، قال أوخذ عباس قال ، ناقصني ، لو قلنا فارس وانسجن كم شهر زي الزلام وسمعته بيقول شعر زي ابو فراس كان صار في كلام بس قاعدلي طول النهار احنا واحنا وسوينا وعملنا ، بتعرفي يا ختي والله بفكر أهج من هالبلاد
- ايه يا مستورة وين بدك تروحي جربت قبلك وتعبت ، رحت دارفور لقيتها مولعة ، رحت صعدا لقيتها أسخم ، قربط في المالكي في العراق زي ما قربط فيكي عباس قمت شردت رحت عنيجيريا قتلو بعض بالشوارع قلت اروح عبن لادن اواسيه في مغارته لقيت الطخ زي القليه وصلت هون لقيت حالي تعبانه قلت والله من المكان مافي مراح هاظني قاعدة واللي يصير يصير على الأقل هون بتنسم هوا من ريحة الأقصى الله لا يبالاكلهم اللي فرطو فيه .
- يعني مش خايفه يقوصوكي
- لليش أخاف امبارح مر واحد لابس طقيه عقبعة راسه وحامل خرطوشة لد علي وسألني انت حمامة السلام قلتلله لأ أنا حمامة ابو فراس قام تركني وقال لا أحنا بندور على حمامة السلام تبعت عباس مالناش صالح بحمامة أبو فراس بعدين انت ختياره هظيك صبية .
- يا خيستي يمه وبدك أظل هون معك هاظ هو نتنياهو لا يا ختي بخاطرك هيك عرف طريقي
- شو عوين العزم يا خيتي قررت تعقدي على عباس مش هو هاظ اللي جرب يطير زينا ووقع ومات
- لا يا ختي هظاك ابن فرناس عاليوم لو هو كان قبلت،انو عباس هاظ بدي أروح اعقد على أحمدي نجاد زلمة وقد حاله بيحميني مش واحد مش قادر يحمي حوش داره وما بتحرك الا بتصريح.
- استني استني لليش هالغلبه وطول المشوار انا بقربللك اياها ، ها خلينا انا واياك نروح على غزة
- والله جبتيها يا خاله هناك في مليون بطل يطلب ايدي منك ، قال عباس قال ، بتشوفيه بهاللغاليغ بتفكريه مالطي (مالطي نوع من الحمام الجيد ) وبيطلع منو وحياة قصقوصي هاظ أخرته يعقد على حمـــ...... نتنياهو .





الرجوع الى أعلى الصفحة اذهب الى الأسفل
 
حمامه عباس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عيـــون فلسـطينـية-
انتقل الى: